صفنة ليل
وشموعي
ورذاذ ينث على الشباج
يمر بيه حلم
والكَاك بيه اوياي
تتبدد وحشتي
وتشتهيك الروح
غفلة ويشح بيه الراي
واتناوش جفن يتلاوه ويه النوم
وشفافي على خدك
ترسملها افياي
توج شفتك جمر
وشفافي نار تصير
وينشغ مستحاك
بكلمة البهداي
والمّ اسنين عمري
ابثغرك الريّان
ارون ياعطاشه
هذا فيض الماي
خايف انت مني
ومستحي وحيران
وظنونك يصيحن بيه
المن جاي المن جاي
والف روحي اويه روحك
روح تشبكَ روح
مثل لف الحيايه
التطرب اعله الناي
وافز والكَاك غيمة
وشتتها الريح
والكَه الكاس فارغ
وانت موش اوياي
موووووووووووش اوياي