| چيس تراب عن كيسٍ من تراب رافقني في غربتي..كنت افتحه واناجيه.. اقبله واسجد عليه..وفي لحظة جنون او صحو .. لاادري اطعمته للريح .. ردتك وطن ياوطن ماردت صم تراب اعبر ضفاف الصبر لاكَينه ملكَه احباب واكتبنه رغم البعد چلمة هلا اعله الباب لمنه ابدفو طيبتك واتفكَد الغياب مشونه فوكَ الجمر بس ياهو منك تاب ردتك علي وكَبته دجلة وفرات وزاب وردتك هلي ونخلتي لمّه وسمر واحباب ردتك وطن ياطن ماردت چيس تراب *** ردتك وطن ياوطن ماردت بس تذكار انطيني لمسة امل وانطيك كومه اشعار متهون اشوفك تون تتلفت ومحتار والكَه اسمك ابكل حلك وتتصدر الاخبار موكَد حرايكَ صرت موت ودمار ونار وتحاشمت من طحت الشمات والتجار وك ردتك وطن ياوطن موشقق للايجار مو شقق للايجار ************ َ |