| مفرداتي العراق وامي وانتي مفرداتي تعودت ليليه اتليهن تعاويذ لوحشتي وعلى اشفافي من يصك ثلج المحطة ايلفن اضلوعي ابحظنهن حظن دافي مفرداتي.... بوصلة بدرب المسافات الغريبة يشيلن اجدامي ويوصلني لقبلتي مفرداتي.... ومااريدالمفردات ثلاثة بس العندي كافي من يوج هم القصيدة وسكته دمع الشمع يرسملي سكتّي مفرداتي ايعزفن بعودي حجاز وتركَص البردات والاوراق وتزغرد غرفتي وتسكر بخمرة مواويلي القوافي العراق... وامي... وانتي مفرداتي حبيباتي اصدقائي وذكرياتي امي..دمعة عين ممزوجة بدعاء وانتي..جفن اليحلم بليلة لقاء والعراق اعيون مرسومة اعله بيبان المنافي |