| كـابوس شجرة توت سوده وكل وركَها اجفوف كل جف ابطشت دم ابعجين ايدوف البلابل شايلة اجذوع النخل تابوت بالبستان سكته اتطوف الفخاتي اموزرات امكسرات اجناح يلطمن بالخفت لن الكَمر مكسوف النهر مو ماي دم احمر المرادي اعضام جثة ابلاية راس التدفع المشحوف حشود اجلاب عالضفتين محتفلة وتدكَ وجلود الاطفال ادفوف الشوارع من جمر والارصفة امن اضلوع والحيطان سبورات مكتوبة ابجماجم بيها جلمة خوف عمايم من ورق والمكتبات الغام لحى ابطول السعف والشايلتها اذياب وبعز النهار اتحوف وادم موش وادم لاعلى التعيين تركض ليورا ابلا شوف منصات وصحافة ولاقطات انياب دعتهم حضرة الحرباء اتطكَ ابعلجها وي كل ومضة فلاش اتبدل النفنوف السما صفره الزرع اسود والسنبل خناجر والبيادر صوف ومن فزيت شاشة وانفجار ودم طفل مرعوب يركض لاعلى التعيين شايل لافته امبعثر عليها احروف و ن ط خ م ن و ف وطن من خوف وطن مخطوووووووووووووووووووف ---------------- |
| حسين الهلالي |