| سِمَل صوت ايصيح حييييييييييييييل ايصيح اعبر اعبر اعبر والسفينة احركَها من توصل واكَطع كل امل رجعه صوت ايصيح هذاك الصوب عسل نهران مدن مبنية من لذات جنان ووادم امثيعه افاعي وناي هندي وليل دنيا وتركَص امفرعه وعبرت وطال مشوارك وجعه توّرث ابوجعه وروحك جن ربع خالي ربع خالي بس الله وسمل خيمة وطرف شمعه لا لذة شفت لاعسل لانهران لاحلم البلا دمعه لاصحبة عمر لافرح دكَ الباب لاركَصتلك الافعه لان كَلبك سمل وخيوطه متسلتات سمل شتروف وتركَعه لان روحك مضيف وحنه اهطاره الظيم جفوا بيه الدلال وهاجروا ربعه ياخردة حرب متروك بين الغام والزنجار آفه شيبقى باللمعة |
| لهيب كامل |