| 1 بلاية واهس دثريتك انت ياصفنة جنون براس مُنهك وانت غافي ابحضن روحي لملمت برد المحطة ابشفتي بس لايندهك بلايه واهس ردت ارسم وجه حزني وبلايه وعيي ارسمت وجهك بلايه وعيي صورتك نصين بيدي شفت نص يشبهني كلش وكلش الاخر يشبهك بلايه واهس اعترفلك بلايه وعيي حاولت يفلان اكرهك |
| 2 مامش الضحكة من اتمر على خاطر يتيم تريد شفه العشكَ من ايمر عالكَلوب الممحله يريد ضفه وروحي لو جتك تلوذ ابمستحاهه تريد تدفه وانه ريشة ودولبتها الريح وجفوفك بعيدة وانت ماخليت عندي غير جلمات ابخشن كَلبك شلون بيها تريد اكتبلك قصيدة والقصيدة تريد تغفه بروح ترفه وانت مامش وحتى مامش جنت اكتبها الك لهفه انت مامش وك يمامش جيت صدفه ورحت صدفة |
| عنكم امشيوح وراح ار وراح اشيل وياي كلشي راح اشيل شوال تعبني سنين شوالي راسي بيه صوركم ذكرياتي وكل حجيكم راح اسولف للمحطات الغريبة اهواي بيكم خوفي كل الخوف بس البوم لو ديوان بالتابوت اجيكم ---------------------------- دكَ بابي الفرح شفته وكَمت مرتاب كَتله تاخرت وبعيني شاف اعتاب هز ايده ومشه كَلي اغلطت بالباب ---------------------- الفرح جلمة وضاعت ابجيب الحرامي والحرامي ابحضن مومس للصبح والصبح..... مكسور خاطر ينتظر دور الذبح مثل حالك مثل حالي آنه وانت ضفتين 2005الناصرية |
| مصدق الحبيب |