| بحر الرمل نجمة بليلك تسهر ..تبجي اتكت وياك ادموع فكرة براسك شاهت..حطت بالصينية اشموع تلم اجروحك ترسم فوكَ النجمة اعيونك يكبر خوفك يتراوالك فرعون وجنده ايتبعونك تمشي وتعثر تتوجه وتوكًف تتعكز بوشالة روحك ابحر الرمل اتغور اجدامك دربك هندس .. صوتك ضاع تتلفت للطاحوا موته هلبت منهم ريح اوداع تبحر بالتابوت البالي تكَطع نص الربع الخالي بس تتذكر ماكو اشراع تبحر تتعب تعرى اتجوع ومن توصل يم اخر ضفة تذكر بالمدن الموجوعة نجمة بليلك جانت تبجي اتكت ادموع وتذكر جانت فختاية ابستان اتلوع تسكر تصفن تصحه تلكَه اسنينك مثل اشموعك سكته اتمووووووووووووع ------------------- |
| كاظم الركابي |